Një ditë pasi Lulzim basha pranoi publikisht se qeveria e kaluar bëri gabim me dhënien e reklamave për disa televizione, ka reaguar me një qëndrim të fortë ditorial televizioni kombëtar Klan.
Klani shkruan se nuk e ka kuptuar qartë nëse Basha e ka fjalën ëpr reklamat që dha Berisha apo ai vetë dhe paralajmëron udhëheqësin demokrat se në këtë mënyrë, po rihap një padi të ngritur nga ministri i Brendshëm Saimir Tahiri ndaj tij.
Shkruan Klani:
Lulzim Basha kërkon falje për reklamat e tij, u jep të drejtë sulmeve të ish –opozitës kundër Berishës
Kryetari i Partisë Demokratike, Lulzim Basha, mbrëmë në një intervistë te “Ora Neës”, ka kërkuar falje për reklamat televizive që qeveria Berisha ka transmetuar gjatë qeverisjes së saj.
Është hera e parë që Basha i kërkon falje shqiptarëve për elementë të qeverisjes së zotit Berisha dhe e ka nisur pikërisht me reklamat.
Të njëjtën gjë bëri edhe Edi Rama, i cili e nisi qeverisjen duke paditur në Prokurori Lulzim Bashën, për reklamat sensibilizuese që Basha, si Ministër i Brendshëm, bëri për lëvizjen e lirë, pas heqjes së vizave për Shqipërinë.
Nuk u kuptua qartë nëse Basha kërkoi falje për reklamat e qeverisë Berisha, apo për reklamat e tij si Ministër i Brendshëm.
Por, ai u dha të drejtë mbrëmë sulmeve të shumta të ish – opozitës, që pati kritikuar fort qeverinë Berisha, se nëpërmjet reklamave televizive, Berisha fitoi zgjedhjet e vitit 2009.
Me ndjesën që kërkoi dhe duke pranuar publikisht se është bërë një gabim me reklamat, Lulzim Basha legjitimoi dhe padinë e bërë në Prokurori kundër tij, nga Ministri i Brendshëm, Saimir tahiri, padi e cila u rrëzua nga organi i akuzës, por që me qëndrimin e ri të Bashës, mund t’i rihapë hetimet.