Karikatura e lapsit të shquar të Bujar Kapexhiut lidhur me trepikëshin e fituar aforfe nga Shqipëria në Cas është bërë një hit i vërtetë në rrjet.
Gazeta kosovare online, Express, në vetëm 4 orë ka marrë mbi 10 mijë like në Facebook me skicimin e karikaturistit të famshëm të Mapo-s.
Edhe pse nuk e ka cituar burimin, pra gazetën Mapo dhe as autorin, mënyra mjeshtërore se si e ka portretizuar Kapexhiu situatën e fitores tashmë të konfirmuar nga drejtësia ndërkombëtare sportive për Shqipërinë ndaj Serbisë, ka bërë që ajo të gjejë jehonë të madhe edhe në media online përtej kufijve të Shqipërisë, sikurse është gazeta Express.
