Në protestën e ditës së sotme, “Për një Maqedoni të përbashkët”, organizuar në qytetin e Shkupit, kundër zyrtarizimit të gjuhës shqipe janë dhunuar dy gazetarë.
Ata janë goditur në trup e në kokë dhe si pasojë e lëndimeve të marra janë transportuar menjëherë për të marrë ndihmën mjekësore.
Iniciativa qytetare “Për një Maqedoni të përbashkët” ka nisur ditën e sotme protestat masive në disa qytete kundër zyrtarizimit të gjuhës shqipe në të gjithë territorin e vendit.
Protestat janë mbajtur në Shkup, Prilep dhe Kumanovë. Ndërsa është paralajmëruar se do ketë protesta edhe në Kërçovë dhe Shtip.