Faqja e njohur mes shqiptarëve në Facebook “Lolita”, e cila shquhet për ironinë e stërhollë, aq sa ndonjëherë ca media nuk arrijnë as t’ia “kapin”, është mbyllur për shkak të raporteve që i ka bërë një besimtar i krishterë.
Në një postim ku dëshmon mbylljen, Lolita shkruan “Këto janë provat nga mbyllja e Lolitës. Gjithmonë kam menduar që muslimanët janë më fanatikë, por paskam gabuar. Para këtij janë raportuar dhe fotot e Luana Vjollcës. Nuk mjafton një raport i vetëm për tu mbyllur por disa. Aty ku injoranca, ligësia dhe fanatizmi fetar bëhen bashkë.. të prishin punë. Nuk e dimë nëse na e kanë mbyllur përfundimisht apo përkohësisht.. Por gjithsesi s’na bëhet vonë për sa kohë kemi Gëzim Abazin.”
Në foto dallohet edhe argumenti që i jep besimtari që i bëri report faqes.
