Më 4 janar pritet të nisë në “Tv Klan” emisioni “Stop”, vazhdimi i “Ça thu” prezantuar nga Gentian Zenelaj dhe Saimir Kodra.
Rikthimi i formatit investigativ, i cili i mungoi ekranit pas mbylljes së “Agon Channel”, duket se ka mobilizuar rivalin që transmetohet prej vitesh në “Top Channel”.
Mbrëmjen e parë të Vitit të Ri, “Fiks Fare” ka nxjerrë edhe njëherë në skenë humoristët Koço Devole dhe ish-aktorin e Portokallisë, Romir Zalla.
Duket se emisioni “Fiks Fare”, në vazhdim do të prezantohet me rotacion. Treshes Doktori, Fiori dhe Albana, thuhet se do t’i shtohet dyshja Koço-Romir.
Ndryshimin në formatin e moderatorëve, thuhet se “Fiks Fare” e ka bërë për shkak të konkurrencës së hapur që i kanë shpallur djemtë e “Stop”.