Është një histori e publikuar këtu e një dekadë më parë nga një portal pro-serb, me qendër në SHBA.
Por sa herë vjen kjo periudhë e verës, historia nis të ripublikohet, për çudi edhe nga mediat shqiptare.
Bëhet fjalë për lajmin se Sali Berisha ka takuar kryeterroristin Osama Bin Laden në vitin 1995.
Lajmi i shkruar me një anglishte copë-copë merret nga thuajse të gjitha portalet si një zbulim skup.
Për shumë komentues të vëmendshëm, kjo është një histori qesharake, pasi dikur Bin Laden nuk ishte një armik i SHBA.
Familja e tij e fuqishme vazhdon të jetë nga më të pasurat në Arabinë Saudite.
Kujtojmë këtu aksidentin e rëndë me avion në Angli të para pak ditëve, kur disa familjarë të Bin Laden humbën jetën, teksa ktheheshin në Londër nga një vizitë në bizneset e tyre në veri të Italisë.
Disa komentues thonë se kjo histori, bashkë me ato që Sali Berisha ka mbështetur Sllobodan Millosheviçin dhe një numër dosierësh me histori të nomenklaturës komuniste, vijnë rregullisht në verë.
Pavarësisht se një damkë për profesionalizimin e medias, tashmë jemi mësuar me to.
Është sezoni…