Ndodh edhe në vendet më të zhvilluara dhe të fuqishme: Kudo që përmendet emri i George Soros, pas tij qëndrojnë teori konspirative.
Nëse u hedh një sy lajmeve të fundit për miliarderin filantropist, gjithmonë do gjesh një kleçkë.
Fjala bie, së fundmi djali i tij ka dhuruar 1 milion dollarë për një organizatë të quajtur Planifikimi Familjar, që në fakt mbështet kandidaten demokrate në SHBA, Hillary Clinton.
Në këto kushte, edhe në Shqipëri ka shumë konspiracion për Soros-in.
Por abuzimi me emrin e tij ndonjëherë arrin në nivele të çuditshme.
Analisti Fitim Zekthi, në një shkrim për Mapo-n, shqyrton pikërisht këto teza konspiracioni.
“Teoria e konspiracionit iu ofron atyre që e besojnë atë bekimin e thjeshtimit dhe gjetjen e objektivit ndaj të cilit drejtohet zemërimi apo edhe urrejtja. Teoritë e konspiracionit ushqejnë përbuzje për faktet dhe mpakin mundësitë për marrëveshje apo kompromis. Ato e ndajnë botën në të mirë dhe të këqij dhe kësisoj nuk lejojnë gjetjen e një terreni të përbashkët. Për shumë studiues të shkencave politike teoritë e konspiracionit shihen si shumë të rrezikshme për demokracinë,” shkruan ai.
Lexoni më poshtë tekstin e plotë: